Падчас саміту ў Ціндаа працаваў вялізны медыяцэнтр

У адрозненне ад спакойнага Жоўтага мора - а менавіта яно абмывае горад Ціндаа - на беразе падняўся шторм інфармацыйны. Падчас усяго саміту ў рэжыме нон-стоп працаваў вялізны медыяцэнтр. Больш за 2 тысячы журналістаў лавілі кожнае слова палітыкаў і праз імгненне даносілі яго да шматмільённай аўдыторыі з усяго свету.

Свой ураджай на інфармацыйных палях збірала і наша здымачная група. Дзеля каго з беларускай дэлегацыі цэнтральнае тэлебачанне Кітая арганізавала здымачную студыю прама ў гасцініцы? І для чаго ў сажалцы прэс-цэнтра з'явіліся рыбы-робаты? Як за самітам назіралі тысячы вачэй, каб распавесці пра яго мільёнам?

Рэпартаж з творчага закулісся адной з галоўных палітычных падзей года - эксклюзіў "Галоўнага эфіру". Гэтае месца называецца айсберг, але гэта толькі вяршыня, самае цікавае, як вядома, унутры.

Адна з галоўных тэм саміту - бяспека. І арганізатары дэманструюць сучасныя тэхналогіі аховы прама на ўваходзе.

Медыялагер з ахопам аўдыторыі ў некалькі мільярдаў гледачоў - на беразе спакойнага Жоўтага мора некалькі дзён не суціхаў шторм інфармацыйны. Менавіта тут журналісты падхоплівалі кожную падзею вялікага форуму і разносілі яе па ўсім свеце.

Літаральна адразу ля ўвахода чутны і "голас Беларусі" кітайскага тэлебачання - Хан Сюлінг да працы ў рускай службе CCTV рыхтаваўся менавіта ў нашай краіне.

Праца тут нагадвае рэаліці-шоу - кожную гадзіну за журналістамі ў рэжыме анлайн назіраюць з самых розных куткоў свету. Большасць карэспандэнтаў працуе ў прамым эфіры.

Тут жа свае філіялы з'явіліся ў найбуйнейшых інтэрнэт-парталаў Кітая. На медыятэрыторыі "Сіньхуа" наша здымачная група раней за ўвесь свет ўбачыла артыкул аб сустрэчы Аляксандра Лукашэнкі і Сі Цзіньпіна. А часовы офіс "Жэньмінь жыбаа" арганізаваў нават сваю тэлестудыю.

Нават падчас саміту Шанхайскай арганізацыі супрацоўніцтва з сайта газеты не сыходзіць і беларуская калонка.

Тут жа знаходзім і віртуальную біяграфію самага вядомага ў Кітаі беларуса - Прэзідэнта Аляксандра Лукашэнкі. Другое месца з рэйтынгам папулярнасці, які пастаянна расце, - у яго малодшага сына Мікалая.

Толькі праз гадзіну працы журналісты заўважаюць у цэнтры і мноства рэлакс-зон.

Тут жа кітайскія кампанія дэманструюць і сваё мастацтва высокіх тэхналогій.

Карыстаемся тым, што нашу распрацоўку ўбачаць журналісты з усяго свету. Гэта біянічная рыба, якую можна выкарыстоўваць у навуковых даследаваннях і падводных відэаздымках. Яна створана так, што іншыя рыбы заўсёды прымаюць яе за сваю.

З нотамі хай-тэк праводзяць для журналістаў танцавальныя размінкі і музычныя хвіліны - тэмп і рытм задаюць робаты-валанцёры.

Зона падзарадкі - сталовая. У меню марскія далікатэсы з Ціндаа. Тут гатовыя частаваць журналістаў нават падчас працы.

У гатэлі, які на час саміту стаў штаб-кватэрай дэлегацыі з Беларусі, кітайскія медыя ўзвялі свой невялікі прэс-цэнтр. Дзеля інтэрв'ю пра індустрыяльны парк "Вялікі камень" сабралі тэлестудыю ў адной з залаў гасцініцы. Госцем стаў Міністр эканомікі Беларусі Уладзімір Зіноўскі.

Сам Ціндаа на некалькі дзён затаіў дыханне - для жыхароў аб’явілі выхадныя дні і далі льготы для падарожжаў па краіне. Сустрэчы ж кіраўнікоў дзяржаў "Шанхайскай васьмёркі" праходзілі ў міжнародным прэс-цэнтры.

Вось тут павінна прайсці цырымонія падпісання. З-за значнасці падзеі нямногія тэлеаператары заўважаюць вялізнае кветкавае пано ў сябе за спінай. Дзясяткі мясцовых мастакоў-майстроў выканалі яго за месяц спецыяльна да саміту. Аб'ектыў “Галоўнага эфіру” разгледзеў не толькі шэдэўр - сярод гасцей сустракаем і першага намесніка міністра замежных спраў Пакістана. У эксклюзіўным інтэрв'ю Тахміна Джанджуа не адмовіла толькі Цэнтральнаму тэлебачанню Кітая і "Галоўнаму эфіру".

Праз некалькі імгненняў у зале для падпісання дакументаў з'явіліся і лідары краін Шанхайскай арганізацыі супрацоўніцтва. Пасля цырымоніі падпісання дакументаў журналісты стразу адкладваюць прафесійныя камеры і дастаюць тэлефоны для сэлфі. Самыя папулярныя месцы для фота - крэслы, дзе некалькі імгненняў таму сядзелі прэзідэнты.

На некалькі дзён вялікай медыядом сцёр межы для тысяч журналістаў з дзясяткаў краін і аб'яднаў іх адной мэтай - данесці да планеты ідэі новага свету роўных магчымасцяў і вялікіх перспектыў для кожнага. Менавіта гэта і ёсць сіла шанхайскага духу.