Ва ўсіх храмах краіны 2 ліпеня праходзіць Усебеларуская малітва "За Беларусь!"

Звярнуцца да Усявышняга з малітвай за Беларусь і просьбай аб дабрабыце яе народа. Напярэдадні Дня Незалежнасці ва ўсіх храмах краіны праходзіць Усебеларуская малітва "За Беларусь!": у цэрквах, касцёлах, малітоўных дамах, мячэцях і сінагогах. Ініцыятыву падтрымалі кіраўнікі асноўных рэлігійных канфесій Беларусі, а таксама Упаўнаважаны па справах рэлігій і нацыянальнасцяў рэспублікі.

У Свята-Духавым кафедральным саборы малітву ўзначаліў Мітрапаліт Мінскі і Заслаўскі Веніямін. Набажэнства праходзіць адразу пасля ранішняй літургіі, ва ўсіх нашых храмах малітва за Беларусь пачалася каля 11 гадзін раніцы. А тых, у каго няма магчымасці наведаць у гэты дзень храм, экзархат заклікае запаліць свечку дома, падысці да іконы і з верай прачытаць малітву за нашу Радзіму.