Ваенна-медыцынскі інстытут адкрыўся ў БДМУ

30 чалавек сёлета стануць курсантамі новага Ваенна-медыцынскага інстытута. Ён адкрыўся напярэдадні ў БДМУ на базе факультэта з чвэрцьвекавой гісторыяй. Там будуць рыхтаваць кадравых афіцэраў медыцынскай службы для Узброеных сіл і іншых воінскіх фарміраванняў, студэнтаў універсітэта па праграме афіцэраў медыцынскай службы запасу. Каб папоўніць рады ўстановы, трэба здаць ЦТ па трох прадметах: біялогіі, хіміі і мове. А таксама прайсці медкамісію, псіхалагічнае тэсціраванне і здаць нарматывы па фізпадрыхтоўцы.

Стварэнне інстытута дазволіць сканцэнтраваць у адным месцы ўвесь навуковы патэнцыял нашай ваеннай медыцыны, каб рыхтаваць спецыялістаў не толькі для патрэб Узброеных сіл, але і для іншых войскаў, воінскіх фарміраванняў і ў цэлым структур нацыянальнай бяспекі.