Выхаванцы Бярэзінскага дзіцячага садка № 2 распачалі вясновую працу з азелянення

Зялёны сезон у юных ахоўнікаў прыроды. Выхаванцы Бярэзінскага дзіцячага садка № 2 распачалі вясновую працу з азелянення. Разам з дарослымі з Бярэзінскага лясгаса пасадзілі кусты фарзіцыі, дапамаглі ў паліўцы маладых раслін і даведаліся аб правілах догляду іх. Таксама юныя эксперты паклапаціліся пра новыя апартаменты для пералётных птушак. Шпакоўні замацавалі адмысловым спосабам на слупы. Такі метад больш экалагічны. Гэта зялёная ініцыятыва – не першая для маленькіх лесаводаў. Амаль паўгода як 12 хлопчыкаў і дзяўчынак далі прысягу і афіцыйна сталі ганаровымі ўдзельнікамі дашкольнага лясніцтва.

Пры дзіцячых садках Мінскай вобласці адкрыта больш за 20 зялёных аб'яднанняў. Там выхаванцаў вучаць беражліваму стаўленню да прыроды і яе біяразнастайнасці, таксама дзеці ўдзельнічаюць у экаініцыятывах - дапамагаюць у азеляненні і добраўпарадкаванні.