Часовая пераправа цераз раку Рову ў Барысаўскім раёне адкрыта

Рух, як і планавалі, адкрыты. Будаўніцтва часовай пераправы цераз раку Рову на трасе пад Барысавам завершана. Два тыдні таму на аўтадарозе абваліўся мост.

Галоўная задача перад дарожнікамі і адміністрацыяй была максімальна хутка аднавіць трафік па дарозе рэспубліканскага маштабу. Новая пераправа выканана з модульных жалезных канструкцый. Паводле слоў спецыялістаў, яны прызначаны для хуткай зборкі. Дарога адпавядае стандартам і разлічана на шчыльнасць руху па гэтым напрамку.

Галоўная ўмова - забеспячэнне плаўнасці ўезду аўтамабіляў з падыходаў на мост на ўвесь перыяд эксплуатацыі часовай пераправы. Да канца года канструкцыю разбяруць, а на месцы старога моста ўзвядуць новы.

Пры гэтым па-ранейшаму існуюць варыянты аб'езду аварыйнага ўчастка. Пры жаданні вадзіцелі могуць скарыстацца імі. Аб’езд арганізаваны па двух маршрутах: асобна для велікагрузаў і аўтатранспартных сродкаў масай да 20 тон.