Сусветны банк: угнаенні падаражэюць на 70 %

Сусветны банк прадказаў катастрафічнае падаражэнне ўгнаенняў - рост цэн на 70 % да канца года. Усплёск выкліканы скарачэннем вытворчасці з-за санкцыйнай гандлёвай палітыкі Захаду. Еўропе давялося рэзка скараціць выпуск угнаенняў у сувязі з ростам кошту прыроднага газу. Калійныя ўгнаенні ўжо ў першым квартале падаражэлі амаль на 80 %. Так гукнуліся санкцыі супраць Беларуськалія, а таксама блакіраванне Літвой чыгуначнага транзіту нашай прадукцыі. Сітуацыя будзе пагаршацца, калі на сусветны рынак не вярнуць пастаўкі з Беларусі і Расіі, лічаць эксперты Сусветнага банка.