Уступная кампанія ў Беларусі: рэгістрацыя на ЦТ стартуе з 2 мая

Рэгістрацыя на цэнтралізаванае тэсціраванне стартуе ў Беларусі з наступнага тыдня. Падаць заяву з 2 мая можна на беларускай ці рускай мовах на выбар у пісьмовай форме асабіста альбо праз электронную форму. Затым абітурыенту трэба наведаць пункт рэгістрацыі і асабіста забраць пропуск не пазней за 1 чэрвеня.

Само ЦТ пачнецца 14 чэрвеня традыцыйна з беларускай мовы і завершыцца 6 ліпеня. Іспыты па рускай мове і матэматыцы праходзіць будуць два дні. Зроблена гэта для выканання санэпідрэжыму. Як правіла, маладых людзей, што жадаюць прайсці тэсціраванне па гэтых прадметах, больш за ўсё. Таксама рэкамендуецца пры сабе мець ахоўныя маскі.

У абітурыентаў, якія не змогуць прайсці ЦТ у асноўныя дні па ўважлівых прычынах, будзе магчымасць падаць заяву на здачу іспытаў у рэзервовыя дні.