Другая група беларускіх ратавальнікаў прыбыла ў турэцкі Газіянтэп

Другая група ратавальнікаў з Беларусі прыбыла ў турэцкі Газіянтэп. Ваенна-транспартны Іл-76 даставіў у разбураны рэгіён атрад спецпрызначэння "ЗУБР", у саставе якога 32 ратавальнікі і 3 пошукавыя сабакі. Таксама ў іх распараджэнні неабходная тэхніка і спецабсталяванне.

У найбліжэйшы час Беларусь акажа дапамогу і Сірыі: гуманітарны груз ужо сфарміраваны. Зараз МЗС, МНС і Мінабароны Беларусі распрацоўваюць лагістыку дастаўкі грузу. Пры неабходнасці Міністэрства абароны Беларусі гатова разгарнуць у пацярпелым рэгіёне палявы шпіталь. Зараз гэта пытанне бакі таксама распрацоўваюць.