Значная асоба: у Мінску праходзяць дні памяці Мітрапаліта Філарэта

У Мінску на базе духоўна-асветніцкага цэнтра "Каўчэг" Свята-Лісавецінскага манастыра праходзяць дні памяці Мітрапаліта Філарэта. Уладыка служыў беларускай праваслаўнай царкве больш за 40 гадоў. Хроніку жыцця можна прасачыць па фотавыставе "Сэрца мілуючае". Экспазіцыю памяці прадэманстравала Мінская духоўная акадэмія і царкоўна-гістарычны музей Беларускай праваслаўнай царквы. Больш падрабязна пра ініцыятыву расказала Наталля Бардзілоўская.

Гэту мелодыю ўласнага сачынення ён прысвяціў Уладыку. Магістрант Мінскай духоўнай акадэміі Філіп Юнашаў не аднойчы бачыў першага ганаровага Экзарха усяе Беларусі. Натхнены прыкладам служэння і чалавечымі якасцямі Філарэта, юнак вырашыў вучыцца на святара. Сёння ж - у дні памяці іерарха - ён прадстаўляе выставу.

Ад музея Беларускай праваслаўнай царквы Свята-Лісавецінскаму манастыру і цэнтру "Каўчэг" на час для паказу дадзены мемарыяльны кабінет Кірыла Варфаламеевіча Вахрамеева. Асабістыя рэчы Філарэта, яго бібліятэка і святарскія строі, іконы і ўнікальная мэбля. Напрыклад, стол, за якім працаваў Філарэт і прымаў свае значныя рашэнні.

З паўсотні прадметаў і кожны захоўвае памяць пра ўсенародна любімага праваслаўнага святара. Вось кнігі, самыя раннія - ад XVI стагоддзя. Большасць тамоў Філарэт збіраў самастойна. На прасторы Лісавецінскага манастыра асабліва акцэнтуем увагу на Лісавецінскую Біблію.

Праваслаўны фатограф Ксенія Кнаус праехала за Філарэтам не адну сотню кіламетраў падарожжаў і візітаў у храмы і прыходы Беларусі. Бачыла Уладыку на набажэнствах і ў закуліссі, у моманты адпачынку і прыватных сустрэч. Здымкі, якія тады здаваліся вынікам звычайнай працы, сёння рэліквіі і важны архіў для беларускага праваслаўя.

Два гады без Філарэта. Беларусам, якія звязаны з жыццём царквы, ёсць што ўзгадаць пра Уладыку з асабістага. І Свята-Лісавецінскі манастыр невыпадкова праявіў ініцыятыву дзён памяці.

Дні памяці Уладыкі Філарэта тут, у Свята-Лісавецінскім манастыры, плануюць зрабіць пастаянным праектам. Да восені 2023 года ў культурным духоўна-асветніцкім цэнтры "Каўчэг" завяршаюцца рамонтныя работы, у тым ліку над канцэртнай залай на 650 месцаў. Такім чынам, у праграму, акрамя выстаў і кінапаказаў, увойдуць яшчэ і музычныя сустрэчы.

14 снежня па праваслаўным імёнаслове - дзень Філарэта. На гэтую дату выпадаюць яшчэ некалькі імёнаў і справа зусім не ў календары. Для беларусаў імя Філарэт стала сімвалам усеабдымнай міласэрнасці, духоўнай магутнасці і дабрыні.