Выстава паштовак да Вялікадня ў Доме-музеі I з’езда РСДРП

Вялікдзень на паштоўцы. Тэматычная выстава да праваслаўнага свята ў філіяле Нацыянальнага гістарычнага музея. У экспазіцыі - велікодныя паштовыя карткi канца 19-га пачатку 20-га стагоддзяў і арыгінальныя пісанкі. Усяго ў Доме-музеі РСДРП сабралі каля паўсотнi экспанатаў. Сярод рэдкіх, напрыклад, святочныя паштоўкі часоў Першай сусветнай вайны.

Для гасцей экспазіцыі арганізавалі майстар-клас па стварэнні паштоўкі з выявай музея ў тэхніцы першых фотаздымкаў. Усіх ахвочых пазнаёмілі з народнай гульнёй "катанне яек".