Выстава "Ахова здароўя Беларусі - 2021" адкрылася ў Мінску

У Мінску ў Футбольным манежы адкрылася штогадовая міжнародная выстава "Ахова здароўя Беларусі - 2021". Прадукцыю і тэхналогіі 15 краін прадстаўляюць паўтары сотні экспанентаў. Венгрыя, Германія, Расія, ЗША, Карэя і, вядома, Беларусь. Стэнды прысвечаны рознай тэматыцы: гэта фармацэўтыка, эстэтычная і спартыўная медыцына, артапедыя і рэабілітацыя, хірургія. У праграме запланавана абмеркаванне актуальных пытанняў аховы здароўя, дыскусіі, прэзентацыі і семінары ўдзельнікаў.

Ля ўваходу ў манеж размясціўся і цэнтр вакцынацыі супраць COVID-19. Усе ахвотнікі могуць прышчапіцца расійскім прэпаратам "Спадарожнік V".