Яблычны Спас або Праабражэнне Гасподне адзначаюць праваслаўныя вернікі

Праваслаўныя вернікі сёння адзначаюць Яблычны Спас або Праабражэнне Гасподне. Гэта адно з найважнейшых хрысціянскіх святаў.

У гэты дзень Ісус Хрыстос павёў на гару Фавор трох апосталаў - Пятра, Якава і Іаана - і паўстаў перад імі ў незвычайным ззянні. З таго часу ў свята Праабражэння Гасподня праваслаўныя адначасова шануюць Спаса нашага Ісуса Хрыста і адзначаюць цалкам зямную падзею - з'яўленне першага ўраджаю.

Вернікі прыносяць у царкву сабраныя яблыкі. Асвячэнне пладоў новага ўраджаю, паводле царкоўных канонаў, напаўняе плён чалавечай працы дарам Божым.