За спробу даць хабар супрацоўніку ДАІ ў Заслаўі затрыманы бяспраўнік

За спробу даць хабар супрацоўніку ДАІ затрыманы бяспраўнік. Аўтамабіль маркі "Джылі" спынілі ў Заслаўі для праверкі дакументаў. За рулём быў 40-гадовы мінчанін. Правоў мужчына пазбаўлены. Усведамляючы, што яго зноў чакае адказнасць, фігурант паспрабаваў вырашыць пытанне па-свойму. Супрацоўнікам ён прапанаваў грошы. Інспектар папярэдзіў, што гэта процізаконна.

На месца прыехала следча-аператыўная група. Мужчына затрыманы. Следчыя ўзбудзілі крымінальную справу за дачу хабару.