Пасяджэнне Каардынацыйнага савета па пытаннях бесперапыннай педагагічнай адукацыі адбылося ў Мінску

Навуковае супрацоўніцтва дзеля агульнай будучыні. Пасяджэнне Каардынацыйнага савета па пытаннях бесперапыннай педагагічнай адукацыі адбылося ў сталіцы. На базе БДПУ імя Максіма Танка сустрэліся прадстаўнікі вучэбна-навукова-інавацыйнага кластара сталіцы і ўсіх рэгіёнаў, таксама госці з Расійскай акадэміі адукацыі і МДУ імя Ламаносава. Гаварылі аб перспектывах супрацоўніцтва, сумесных праектах і даследаваннях. Абмеркавалі, напрыклад, беларускі вопыт працы педагагічных класаў. Таксама абмяняліся ініцыятывамі.

Па выніках сустрэчы педагагічны ўніверсітэт і Расійская акадэмія адукацыі падпісалі пагадненне аб супрацоўніцтве, распрацуюць таксама дарожную карту. Дарэчы, зараз у БДПУ больш за 60 дагавораў аб супрацоўніцтве з расійскімі ўстановамі і арганізацыямі. Толькі за апошнія тры гады правялі амаль 350 навуковых мерапрыемстваў з ВНУ Курска і Урала, Омска і Чувашыі, Мардовіі і Варонежа.