Жаночы футбол папулярызуюць у Запольскай СШ Чэрвеньскага раёна

У Запольскай сярэдняй школе Чэрвеньскага раёна папулярызуюць жаночы футбол! Некалькі гадоў таму ва ўстанове была створана дзявочая каманда, якая аб'яднала школьніц ад пятага да адзінаццатага класа. Дзясятак юных спартсменак маюць немалыя перамогі! Так, з апошняга: паспяховы ўдзел дзяўчынак у летняй Барысаўскай футбольнай лізе для юных, першае месца ў Калядным абласным турніры. Запольскія школьніцы - чэмпіёны Мінскай вобласці па выніках 2021 года, яны абышлі ў гульні дзявочыя футбольныя каманды з Жодзіна, Мар'інай Горкі і Мінска.

Футбольныя гульні ў Запольскай сярэдняй школе праводзяцца і для хлопчыкаў, але брэнд навучальнай установы - менавіта жаночы футбол. На прыкладзе аматарскай каманды тут развіваюць гэты від спорту і папулярызуюць здаровы лад жыцця.