Жодзіна рыхтуецца да святкавання 55-годдзя

Маштабныя мерапрыемствы з нагоды юбілею пройдуць 2 і 3 ліпеня. А ўжо сёння горад значна абнаўляецца. Акрамя яркіх фасадаў дамоў і багацця кветак, добраўпарадкоўваюць вуліцы і двары. У дзень горада пасля маштабнай рэканструкцыі адкрыецца парк культуры і адпачынку. Шмат цікавага ў гэтыя дні і на алеі ліхтароў - гэта месца папулярнае ў моладзі. На ўездзе ў Жодзіна ўсталююць своеасаблівы абярэг гараджан - скульптуру Маці Божай.

І ўжо 3 ліпеня ў Жодзіне пройдзе тэатралізаванае шэсце і вялікі святочны канцэрт. На юбілей прыедуць таксама 18 замежных дэлегацый, сярод якіх прадстаўнікі гарадоў-пабрацімаў Жодзіна.