Rheinmetall і Anduril Industries разам распрацуюць новыя мадэлі ракет

Нямецкі абаронны канцэрн Rheinmetall заключыў пагадненне аб стратэгічным партнёрстве з амерыканскай ваенна-прамысловай кампаніяй Anduril Industries. Разам яны будуць распрацоўваць новыя мадэлі авіяцыйных ракет Barracuda і мнагамэтавых беспілотнікаў Fury. Таксама зоймуцца арганізацыяй іх вытворчасці ў Еўропе.

Канцэрн разлічвае на тое, што еўрапейская версія ракет будзе недарагой і лёгкай у вытворчасці. І плануе стварыць такі варыянт дрона, які можна адаптаваць пад патрэбы розных еўрапейскіх армій.

Сумесная праца таксама будзе ўключаць распрацоўку цвёрдапаліўных ракетных рухавікоў для еўрапейскіх сістэм узбраення.