Ёргенсен: ЕС у 2024 годзе патраціў на закупку газу ў Расіі больш сродкаў, чым на дапамогу Украіне

Еўрасаюз у 2024 годзе патраціў на закупку газу ў Расіі больш сродкаў, чым на дапамогу Украіне. Пра гэта заявіў еўракамісар па энергетыцы Дан Ёргенсен. Пры гэтым ён таксама пацвердзіў мэту Еўракамісіі поўнасцю адмовіцца ад расійскага газу к 2027 году.

Ёргенсен таксама адзначыў неабходнасць развіваць альтэрнатыўную аднаўляльную і атамную энергетыку для таго, каб не трапляць у новую залежнасць. Раней Еўракамісія прапанавала поўнасцю забараніць краінам ЕС закупліваць у Расіі трубаправодны і звадкаваны прыродны газ к канцу 2027 года. Забарона пачне ўступаць у сілу паэтапна - з 1 студзеня 2026-га.