Кіраўнік МЗС Беларусі з рабочымі візітамі наведае Кітай, Тайланд і Лаос

Кіраўнік МЗС Беларусі адправіцца з рабочымі візітамі ў Кітай, Тайланд і Лаос. Паводле даных прэс-службы ведамства, міністр прыме ўдзел у пасяджэнні Савета міністраў замежных спраў Шанхайскай арганізацыі супрацоўніцтва ў Цяньцзіне. Гэты першы ўдзел Беларусі ў пасяджэнні СМЗС ШАС у статусе паўнапраўнага члена арганізацыі.

У Тайландзе Максім Рыжанкоў правядзе перамовы з міністрам замежных спраў, а таксама сустрэнецца з прадстаўнікамі палітычнага істэблішменту краіны. У Лаосе таксама ў планах сустрэчы з прадстаўнікамі вышэйшага кіраўніцтва і пашыраныя перамовы з кіраўніком МЗС.