Лукашэнка павіншаваў народ Францыі з Нацыянальным святам - Днём узяцця Бастыліі

Прэзідэнт Беларусі Аляксандр Лукашэнка павіншаваў народ Францыі з Днём узяцця Бастыліі. Аб гэтым паведамляе БЕЛТА.

"14 ліпеня - паваротная дата ў гісторыі барацьбы французаў за свае правы і свабоду, - гаворыцца ў віншаванні. - У сучасных умовах менавіта гэтыя каштоўнасці набываюць асаблівую вартасць для дзяржаў, якія імкнуцца праводзіць незалежную палітыку і самастойна вызначаць уласную будучыню".

Прэзідэнт выказаў упэўненасць, што спрадвечная мудрасць, рацыянальнае мысленне і традыцыйная дружалюбнасць, характэрныя народам Беларусі і Францыі, дапамогуць пераадолець нязгоды і адчужэнні, што сёння раздзіраюць свет, і выведуць на шлях узаемнай павагі і супрацоўніцтва.

Аляксандр Лукашэнка пажадаў народу Францыі міру, салідарнасці і дабрабыту.