Знакаміты рэжысёр Аляксандр Міта памёр на 93-м годзе

Сумная навіна прыйшла з Расіі. На 93-м годзе пайшоў з жыцця выдатны савецкі і расійскі кінарэжысёр і сцэнарыст Аляксандр Міта.

Ён шырока вядомы дзякуючы такім сваім карцінам, як "Экіпаж" і "Сказ пра тое, як цар Пётр арапа ажаніў". У постсавецкі перыяд Аляксандр Міта таксама працаваў актыўна, нягледзячы на ўзрост, ён - стваральнік папулярнага серыяла "Мяжа. Тайговы раман". Усяго ў фільмаграфіі Міты - 85 работ.

Народны артыст Расіі быў удастоены прэміі ТЭФІ ў намінацыях "За лепшы сцэнарый", "За лепшую рэжысуру" і "За лепшы тэлевізійны мастацкі/ігравы серыял".