Турцыя павысіць тарыфы за праход суднаў праз свае пралівы

Улады Турцыі павысяць кошт праходу праз пралівы Басфор і Дарданелы з 1 ліпеня 2025 года ў рамках традыцыйнай штогадовай рэвізіі.

Плата будзе павялічана на 15 % і складзе амаль 6 долараў за 1 т. Сумы пойдуць на фінансаванне работы берагавых службаў, ратавальнікаў і медыкаў. Гэта ўжо чацвёрты этап перагляду тарыфаў, распачаты ў 2022 годзе ў рамках указа прэзідэнта Турцыі Рэджэпа Таіпа Эрдагана. За гэты час кошт праходу павялічыўся больш чым у 7 разоў, пры гэтым амаль 40 гадоў плата не мянялася і была 80 цэнтаў за 1 т.