Махровыя і ружападобныя: у Мінску паказалі больш за 300 гатункаў півоняў

Духмяная феерыя фарб заквітнела ў цэнтры Мінска - вытанчаныя бутоны здзіўляюць сваёй разнастайнасцю на "Півонявым фэсце".

На духмянай выставе ў Мінску прапанавана больш за 300 гатункаў далікатных раслін, у тым ліку з прыватных калекцый. Махровыя, ружападобныя, вузкалістныя, ёсць бутоны французскай, рускай і, вядома, беларускай селекцый.

На "кветкавае дэфіле" ў экспазіцыі півоні збіраюцца ўжо чацвёрты раз. Побач выстаўлены і карціны, на якіх таксама квітнеюць півоні. Беларускія мастакі і дызайнеры намалявалі букеты акварэллю, пастэллю і алеем.