Форум СД "Вялікая спадчына - агульная будучыня" пройдзе ў 2026 годзе ў Беларусі

Стварэнне камісіі па абароне гістарычнай праўды і захаванні гістарычнай памяці аб Вялікай Айчыннай вайне аднагалосна падтрымалі прадстаўнікі Парламенцкага сходу Саюза Беларусі і Расіі ў Брэсце.

На парадку сесіі стаяла выкананне даручэнняў Прэзідэнта Беларусі Аляксандра Лукашэнкі і Прэзідэнта Расіі Уладзіміра Пуціна, якія былі дадзены падчас міжнароднага форуму "Вялікая спадчына - агульная будучыня" ў Валгаградзе. Таксама дэпутаты прынялі рашэнне надаць мерапрыемству статус штогадовага, таму ў 2026 годзе форум адбудзецца ў Беларусі. Яшчэ адной тэмай стаў разгляд справаздачы Савета Міністраў Саюзнай дзяржавы аб выкананні бюджэту за 2024 год.

"З нашай моладдзю і людзьмі ў цэлым спрабуюць працаваць іншыя "камісіі" і "гісторыкі", якія хочуць трансфармаваць нашу гістарычную памяць. На жаль, ім гэта атрымалася зрабіць ва Украіне, Прыбалтыцы, Польшчы. Але наша задача - гэта не дапусціць", - адзначыў намеснік старшыні камісіі Парламенцкага сходу па моладзевай палітыцы, спорце і турызме Сяргей Клішэвіч.

Нагадаем, што сесія Парламенцкага сходу Саюза Беларусі і Расіі праходзіць 68-ы раз, і трэці з іх - у Брэсце.