У Брэсце 21 чэрвеня адкрыюць помнік савецкім пагранічнікам

У Брэст даставілі помнік савецкім пагранічнікам, гэта стала падарункам да 80-годдзя Перамогі ў Вялікай Айчыннай вайне.

Кампазіцыя мае вышыню звыш 3,5 м, выраблена ў студыі ваенных мастакоў імя М. Б. Грэкава Мінабароны Расіі. Помнік сімвалізуе аднаўленне дзяржмяжы СССР у 1944 годзе. Урачыстае адкрыццё помніка адбудзецца 21 чэрвеня ў 12:30 ля Паўночных варот Брэсцкай крэпасці.

Аляксандр Самарэвіч, ваенны камісар Брэсцкай вобласці:

"Такі падарунак стаў магчымы дзякуючы цеснаму супрацоўніцтву абаронных ведамстваў Расіі і Беларусі. У найкароткія тэрміны былі ўрэгуляваны юрыдычныя пытанні, момант дастаўкі, устаноўкі помніка. З сённяшняга дня манумент становіцца на баланс ваенкамата Брэсцкай вобласці. У адкрыцці будуць прымаць удзел службовыя асобы абароннага ведамства Міністэрства абароны Беларусі і Расійскай Федэрацыі, а таксама іншыя сілавыя структуры і органы мясцовай улады. Запрашаю ўсіх жыхароў і гасцей Брэста прыняць удзел у цырымоніі адкрыцця помніка".

Адзначым, што праект рэалізаваны дзякуючы цеснаму ўзаемадзеянню абаронных ведамстваў Беларусі і Расіі і асабіста міністраў абароны гэтых дзвюх краін.