Украіна ігнаруе правядзенне абмену з Расіяй

Прыпынак на мірным трэку. Украіна на нявызначаны тэрмін адклала выкананне стамбульскіх дамоўленасцей па абмене. Расія з 6 чэрвеня пачала маштабную гуманітарную акцыю па рэпатрыяцыі больш як 6 тыс. цел загінуўшых украінскіх вайскоўцаў, а таксама па абмене палоннымі. Аднак Кіеў працэс затармазіў. Там заявілі, што дата перадачы цел нібыта не была ўзгоднена і нават паспрабавалі абвінаваціць Расію ў "аднабаковых дзеяннях".

Масква настойліва заклікае ўкраінскіх перагаворшчыкаў строга выконваць дасягнутыя дамоўленасці, падумаць не проста пра свой дыпламатычны імідж, а перш за ўсё аб украінскіх людзях, якія чакаюць сваіх родных.

Як паведамляюць СМІ са спасылкай на прадстаўніка ўкраінскага Каардынацыйнага цэнтра, абмен палоннымі яны вырашылі перанесці на наступны тыдзень. На думку шэрагу экспертаў, грубыя паводзіны Кіева гавораць пра рэальны памер ваеннай катастрофы для Украіны, такім чынам там адмаўляюцца прызнаць памеры сваіх страт. Зрыў абмену для кіеўскага рэжыму - збавенне ад лішніх трат. Таму што перадача 6 тыс. цел украінцаў пацягнула б вялізныя выдаткі з бюджэту на выплаты іх сем'ям.