У Паўднёва-Афрыканскай Рэспубліцы надзіманы замак з дзецьмі ўзляцеў у паветра

Надзіманы замак з дзецьмі ўзляцеў на 12 метраў у Паўднёвай Афрыцы. Двое малых сур'ёзна пацярпелі. Інцыдэнт адбыўся падчас дабрачыннага мерапрыемства ў пачатковай школе.

З-за моцнага парыву ветру незамацаваны атракцыён адарваўся ад зямлі і ўзняўся ў паветра. У гэты момант унутры яго знаходзіліся дзеці.

У паветры канструкцыя пачала круціцца, дзяцей выкінула на зямлю. Хаця відавочцы паспрабавалі змякчыць падзенне, выстраіўшыся ўнізе, абодва дзіцяці атрымалі сур'ёзныя траўмы.