У Мінскай вобласці стартаваў трэці працоўны семестр

У Мінскай вобласці адкрыўся трэці працоўны семестр для сезоннай занятасці маладых людзей у студэнцкіх атрадах.

Юнакі і дзяўчаты будуць працаваць у розных галінах: на вытворчасці, у сельскай гаспадарцы, медыцыне і адукацыі. Хтосьці выбірае занятасць, падобную на будучую прафесію, іншыя спасцігаюць новую справу.

Буйныя беларускія прадпрыемствы ахвотна працаўладкоўваюць моладзь. Толькі МАЗ сёлета прыме 350 чалавек. Яшчэ ёсць час далучыцца да працоўнага дэсанту - 2025 і выбраць на лета працу па душы.

"З 2 чэрвеня ў нас стартаваў студэнцкі атрад "Драйв", маладыя людзі працуюць у якасці прадаўцоў. За летні перыяд у нас будзе сфарміравана каля 20 студэнцкіх атрадаў па розных напрамках, напрыклад, вытворчы, сэрвісны. І асноўная частка - гэта, вядома, атрады экалагічнай скіраванасці, калі моладзь, якая хоча зрабіць свой горад больш прыгожым, дапамагае ў добраўпарадкаванні, высаджвае кветкі, палівае і займаецца тым, каб наш горад станавіўся яшчэ больш зелёным і прыгожым", - расказала другі сакратар Барысаўскага раённага камітэта БРСМ Лізавета Валкавец.

Акрамя гэтага ў Мінскай вобласці будуць функцыянаваць 115 лагераў працы і адпачынку. Рабочыя будні дапаўняюць насычанай праграмай, у якую ўключаны спартыўныя і творчыя спаборніцтвы, квэсты, экскурсіі.