ЗША знімуць санкцыі з Ірана ў выпадку супрацоўніцтва ў сферы кантролю над ядзернай праграмай

Іран рыхтуецца падаць іскі да Ізраіля і ЗША ў міжнародныя суды. У Тэгеране спадзяюцца, што атакі дзвюх дзяржаў будуць названыя агрэсіяй і краіна атрымае кампенсацыю.

Аднак нават калі вердыкты будуць для Ірана спрыяльнымі, шанцы хоць што-небудзь атрымаць невялікія - ні Ізраіль, ні ЗША не прызнаюць рашэнні міжнародных судоў.

Між тым прэзідэнт ЗША Дональд Трамп заявіў, што амерыканцы гатовы зняць з Тэгерана ўсе санкцыі, калі краіна пойдзе на супрацоўніцтва ў сферы кантролю над сваёй ядзернай праграмай. Пры гэтым, паводле звестак іранскага боку, страты ад амерыканскіх бамбардзіровак невялікія і аднаўленне персідскай ядзернай праграмы - справа некалькіх месяцаў.