Польшча плануе павялічыць вытворчасць боепрыпасаў

Польшча нарошчвае ўзбраенні. Да 2026 года Варшава плануе ў 5 разоў нарасціць вытворчасць артылерыйскіх снарадаў для гаўбіц. Пра гэта піша газета Financial Times са спасылкай на міністра дзяржактываў Польшчы.

Ён паведаміў, што для гэтых мэт польскія ўлады выдзеляць дзяржаўнай абароннай кампаніі 663 млн долараў. Вырабляць будуць у тым ліку 155-міліметровыя снарады.

Як паведамляецца, Польшча лідзіруе ў НАТА па выдатках на абарону з разліку долі ад ВУП. У 2025 годзе яны складуць амаль 48 млрд долараў. Аднак большая частка гэтых выдаткаў дагэтуль была накіравана на закупкі за мяжой.