У лясах Беларусі за суткі згубіліся 8 чалавек

За суткі ў лясах Беларусі згубіліся 8 чалавек. Пра гэта паведамляе БЕЛТА, спасылаючыся на прэс-службу МНС.

29 чэрвеня ў 12:18 у МНС паступіла інфармацыя аб грамадзяніне 1983 года нараджэння, які згубіўся ў лясным масіве каля в. Куты Магілёўскага раёна. У 13:23 работнікамі МНС мужчына быў знойдзены.

У гэты ж дзень у 15:40 паведамілі аб дзвюх пенсіянерках 1945 і 1946 гадоў нараджэння, якія згубіліся ў лясным масіве каля в. Залессе Магілёўскага раёна. У 18:56 работнікамі МНС жанчыны выратаваныя.

29 чэрвеня ў 16:19 стала вядома аб пенсіянерцы 1940 года нараджэння, якая згубілася ў лясным масіве каля в. Агароднікі Мастоўскага раёна Гродзенскай вобласці. Для пошукавых работ былі задзейнічаны 11 адзінак тэхнікі і 45 чалавек. У 18:55 супрацоўнікі РАУС знайшлі жанчыну.

У 17:40 паступіла паведамленне аб дзвюх грамадзянках 1955 і 1991 гадоў нараджэння і дзіцяці 2018 года нараджэння, якія згубіліся ў лясным масіве каля в. Пятровічы Бабруйскага раёна Магілёўскай вобласці. У 18:42 работнікі МНС іх знайшлі.

У медыцынскай дапамозе ўсе знойдзеныя патрэбы не мелі.

Акрамя таго, 29 чэрвеня ў 19:19 паступіла інфармацыя аб непрацуючым грамадзяніне 1994 года нараджэння. Ён згубіўся ў лясным масіве каля в. Містроўка Бялыніцкага раёна Магілёўскай вобласці. Мужчына пакуль не знойдзены, яго пошукі будуць прадоўжаны.