За 9 месяцаў у Палаце прадстаўнікоў прынялі 67 законапраектаў

30 чэрвеня ў Беларусі закрываецца заканадаўчы сезон. Вынікі падвялі ў Палаце прадстаўнікоў Нацыянальнага сходу. Так, за 9 месяцаў было прынята 67 законапраектаў.

Яны датычацца самых розных сфер дзейнасці, але ўсе накіраваныя на павышэнне якасці жыцця беларусаў.

У фінальны дзень на парадку было два пытанні. Адно з іх датычылася рэгістрацыі суб'ектаў гаспадарання. Галоўная мэта - каб бізнесу было прасцей адкрыць сваю справу. Дарэчы, законапраект абмяркоўваўся з усімі зацікаўленымі асацыяцыямі прадпрымальнікаў. Максімальна ўлічаны прапановы па лічбавізацыі, гэта значна спросціць усе працэсы.

Таксама сёння прыняты законапраект па пытаннях змянення крымінальнага і адміністрацыйнага кодэксаў. Трэба будзе спарадкаваць правілы выкарыстання беспілотнікаў. Безумоўны прыярытэт - нацыянальная бяспека.