У ААН высока ацанілі ролю Беларусі ў процідзеянні гандлю людзьмі

У ААН высока ацанілі ролю Беларусі ў кансалідацыі міжнародных намаганняў па процідзеянні гандлю людзьмі.

30 чэрвеня ў Вене адбылася сустрэча начальніка галоўнага ўпраўлення шматбаковай дыпламатыі МЗС Беларусі Ірыны Вялічкі з дырэктарам Дэпартамента па пытаннях рэалізацыі міжнародных дагавораў Упраўлення ААН па наркотыках і злачыннасці Джонам Брандаліна. Ён адзначыў плённы характар шматгадовага супрацоўніцтва з Беларуссю.

Акрамя таго, бакі заявілі аб наяўнасці добрага патэнцыялу і перспектыўных кірункаў для далейшага пашырэння ўзаемадзеяння.

У рамках візіту ў Вену Вялічка таксама правяла рабочую сустрэчу з намеснікам спецыяльнага прадстаўніка АБСЕ па барацьбе з гандлем людзьмі Жан-Бенуа Манэ.