15 мая стартуюць прамыя перагаворы Расіі і Украіны ў Стамбуле. Трамп візіт не плануе

15 мая ў Стамбуле стартуюць прамыя перамовы Расіі і Украіны. Расійская дэлегацыя ўжо прыбыла ў Турцыю. Яе ўзначальвае памочнік прэзідэнта Уладзімір Мядзінскі. Нагадаем, ён таксама кіраваў групай перагаворшчыкаў у Стамбуле вясной 2022 года.

Таксама ў дэлегацыі: намеснік кіраўніка МЗС Міхаіл Галузін, начальнік Галоўнага ўпраўлення Генштаба УС Ігар Касцюкоў і намеснік міністра абароны Аляксандр Фамін. Зацверджана таксама група экспертаў.

У саставе ўкраінскай дэлегацыі будуць прысутнічаць кіраўнік офіса прэзідэнта Ярмак, міністр абароны Умераў, міністр замежных спраў Сібіга і саветнік прэзідэнта Жоўква.

Крыніцы адзначаюць, што ўсе рашэнні аб перамовах будзе прымаць асабіста Зяленскі, які пры гэтым ляціць не ў Стамбул, а ў Анкару. Акрамя прадстаўнікоў Масквы і Кіева ў Стамбуле таксама будзе прысутнічаць дэлегацыя ЗША: дзяржсакратар Марка Рубіа, спецпрадстаўнік Трампа Стыў Уіткаф і амерыканскі спецпасланнік па Украіне Кіт Келаг. Сам Трамп візіт не плануе.