Літва рыхтуе ўвядзенне нацыянальных эканамічных санкцый супраць Беларусі і Расіі

Вільнюс будзе абмяркоўваць увядзенне нацыянальных эканамічных санкцый супраць Беларусі і Расіі на выпадак адмовы ЕС прадоўжыць еўрапейскія абмежаванні.

МЗС Літвы зарэгістраваў папраўкі, накіраваныя на тое, каб прадугледзець у законах магчымасць увядзення санкцый. Размова ідзе аб замарожванні актываў і сектаральных абмежаваннях.

Адзначым, тэрмін дзеяння еўрапейскіх санкцый супраць Беларусі і Расіі мінае ў канцы ліпеня 2025-га. Пры абмеркаванні прадаўжэння абмежаванняў Еўрасаюз сутыкнуўся з процідзеяннем з боку шэрагу краін. Менавіта на гэты выпадак Вільнюс рыхтуе ўласны механізм санкцый.