У Мінску 17 мая пройдзе рэспубліканскае сямейнае свята

Рэспубліканскае сямейнае свята пройдзе ў Мінску 17 мая. Пра гэта паведамляе БЕЛТА, спасылаючыся на прэс-службу Міністэрства працы і сацыяльнай абароны.

У ведамстве расказалі, што на свяце ў Цэнтральным дзіцячым парку імя Горкага кожная актыўнасць прадумана так, каб паказаць: традыцыйныя каштоўнасці - гэта не сумныя лекцыі, а жывая энергія, радасць і творчасць.

Асноўныя мерапрыемствы разгорнуцца каля цэнтральнай сцэны. З 13:00 да 14:00 пройдзе выступленне і ўрачыстае ўзнагароджанне пераможцаў конкурсу #СемьяГлазамиРебенка. Запрошаны сем фіналістаў з усіх рэгіёнаў краіны. З 14:30 да 15:30 на сцэне будзе ўшаноўванне шматдзетных сем'яў, якия пражылі ў шлюбе больш чым 25 гадоў. Яны падзеляцца вопытам захавання сямейных каштоўнасцяў.

На працягу ўсяго дня таксама будуць арганізаваны канцэртная праграма з удзелам беларускіх артыстаў, выступленні спартыўных калектываў (ролеры, хадулісты), дзіцячых творчых калектываў, выстава тэхнікі МНС і ДАІ і забаўная праграма з дыджэямі.