Сустрэча Эрдагана і Зяленскага доўжылася амаль тры гадзіны

У Анкары завяршылася сустрэча Эрдагана з Зяленскім, яна прадоўжылася амаль тры гадзіны. Перамовы праходзілі не толькі ва ўмовах геапалітычнага шторму, але і рэальнага землетрасення. Эпіцэнтр штуршкоў магнітудай 5,2 зафіксавалі ў горадзе Конья, але хваля дайшла і да турэцкай сталіцы.

Доўгачаканыя перамовы паміж дэлегацыямі Расіі і Украіны ў Стамбуле пакуль не стартавалі. Шанц на іх пачатак захоўваецца. Чакаецца, што памочнік прэзідэнта Расіі Мядзінскі зробіць заяву ў 17:30.

Расійская дэлегацыя яшчэ з раніцы чакае ўкраінскую, якой дагэтуль няма. Пакуль няма згоды бакоў і па парадку дня. Украінцы гавораць аб намеры ўзгадніць умовы 30-дзённага спынення агню, расіяне гатовы абмяркоўваць толькі тэрытарыяльнае пытанне і абмен палоннымі.

Вядома, што расійскую дэлегацыю ўзначальвае памочнік Пуціна Уладзімір Мядзінскі, а ўкраінскую, як заявіў Зяленскі, узначаліць міністр абароны.

Дональд Трамп заявіў, што не расчараваны ўзроўнем расійскай дэлегацыі на перамовах з Украінай у Турцыі. Ён таксама не выключае магчымасць свайго прыезду ў Турцыю , "калі гэта будзе дарэчы ў інтарэсах заключэння міру".