2 чэрвеня ў Стамбуле пройдзе другі раўнд перамоў Расіі і Украіны

Другі раўнд перамоў Расіі і Украіны плануецца 2 чэрвеня а 13-й гадзіне ў палацы Чыраган у Стамбуле. Расійская дэлегацыя прыбыла ў Турцыю вечарам у нядзелю, 1 чэрвеня.

Паводле інфармацыі СМІ, свой варыянт мемарандума па ўрэгуляванні дэлегацыя з Масквы мае намер перадаць украінцам падчас перамоў. Кіеўская ж версія дакумента была перададзена раней і стала вядома медыя. Адзначаецца, што ён не змяніўся. Украіна па-ранейшаму патрабуе спынення агню тэрмінам на 30 дзён, а таксама абмену ваеннапалоннымі па прынцыпе "ўсіх на ўсіх".

Пры гэтым Кіеў усё яшчэ чакае гарантыі бяспекі ад міжнароднай супольнасці, не мае намеру прызнаваць тэрытарыяльныя страты, а таксама не згодны на нейтральны статус. Членства ў ЕС і НАТА застаецца ў прыярытэце.