У Стамбуле адбыўся другі раунд прамых расійска-ўкраінскіх перамоў

Фокус увагі сусветных СМІ сёння на Стамбуле. Там адбыўся другі раунд прамых расійска-ўкраінскіх перамоў. Гэтым разам сустрэча прадоўжылася ледзь больш за гадзіну і ішла на рускай мове.

Адзін з вынікаў - удалося дамовіцца пра самы маштабны абмен, у тым ліку цяжкахворымі і параненымі. Таксама падчас сустрэчы абмяркоўвалася пытанне ўз'яднання сямей. Бакі абмяняліся дакументамі - бачаннем таго, як урэгуляваць канфлікт. Пра іх падрыхтоўку дамовіліся яшчэ ў маі.

А непасрэдна да старту саміх перамоў прайшла двухбаковая сустрэча кіраўнікоў дэлегацый - Мядзінскага з Умеравым, якая доўжылася 2,5 гадзіны. І гэта абумовіла эфектыўны ход далейшых перамоў.

Прапановы РФ па ўрэгуляванні ўкраінскага крызісу мяркуюць правядзенне выбараў ва Украіне, а затым падпісанне мірнага пагаднення (глядзіце відэа).