Патрыярх Кірыл будзе знаходзіцца з візітам у Беларусі 4-6 чэрвеня

Патрыярх Маскоўскі і ўсяе Русі Кірыл прыбудзе з візітам у Беларусь 4 чэрвеня. Пра гэта паведамляе прэс-служба прадстаяцеля РПЦ, піша sputnik.by.

"З 4 па 6 чэрвеня 2025 года адбудзецца візіт патрыярха Маскоўскага і ўсяе Русі Кірыла ў Рэспубліку Беларусь. Сустрэча прадстаяцеля Рускай праваслаўнай царквы з беларускай паствай прымеркавана да святкавання 900-годдзя Спаса-Еўфрасіннеўскага жаночага манастыра ў горадзе Полацку", - растлумачылі ў прэс-службе.

Спачатку архіерэй прыбудзе ў Мінск, дзе ўскладзе вянок да манумента на плошчы Перамогі. Таксама ён адслужыць усяночную ў Свята-Духавым кафедральным саборы разам з мітрапалітам Мінскім і Заслаўскім Веніямінам, Патрыяршым Экзархам усяе Беларусі і іншымі прадстаўнікамі духавенства.

Затым 5 чэрвеня ў Полацку патрыярх адслужыць літургію ў Крыжаўзвіжанскім саборы Спаса-Еўфрасіннеўскага манастыра. Яе будуць трансліраваць тэлеканалы "Беларусь 3", "Спас", "Саюз", таксама афіцыйны YouTube-канал Беларускай праваслаўнай царквы.

Візіт завершыцца 6 чэрвеня ў беларускай сталіцы "мерапрыемствамі на дзяржаўным узроўні".

Патрыярх Кірыл у 2022 годзе наведваў рэспубліку ў тыя ж даты з нагоды 1030-годдзя праваслаўя на беларускіх землях і заснавання Полацкай епархіі.