"Песня Сірын" заваявала бронзавую ўзнагароду на кінафоруме "Залаты Віцязь"

Анімацыйная стужка кінастудыі "Беларусьфільм" атрымала перамогу на XXXIV Міжнародным кінафоруме "Залаты Віцязь".

"Песня Сірын" атрымала бронзавую ўзнагароду ў намінацыі "Лепшы анімацыйны фільм". Карціна паўнаметражная і доўжыцца 85 хвілін. Гэта гісторыя аб прыгодах двух школьнікаў у загадкавым сусвеце славянскіх міфаў. На вялікіх экранах стужку ўбачылі ў кастрычніку 2024 года. Мультфільм-фэнтэзі стаў першым беларускім анімацыйным фільмам у 3D-фармаце.

Дарэчы, "Песня Сірын" і яшчэ адна карціна вытворчасці кінастудыі "Беларусьфільм" - "Чорны замак" перамаглі на Міжнародным еўразійскім кінафестывалі ў Вялікабрытаніі. "Чорны замак" выйграў у намінацыі "Прызнанне".