3 чэрвеня стартуе 35-я Міжнародная спецыялізаваная выстава "Белагра"

3 чэрвеня 2025 года пачынае работу 35-я Міжнародная спецыялізаваная выстава "Белагра" - адна з самых вялікіх, на якой дэманструюць дасягненні ў аграпрамысловай сферы.

На выставе будуць дэманстравацца сучасныя тэхналогіі ў сельскагаспадарчай вытворчасці, новая сельгастэхніка, распрацоўкі ў перапрацоўчай і харчовай прамысловасці. Тэматыка раздзелаў ахоплівае амаль усе напрамкі аграрнай галіны.

"Мы запрашаем наведаць выставу не толькі спецыялістаў, але і ўсіх жыхароў рэспублікі, таму што традыцыйна выстава - гэта не толькі дзелавое мерапрыемства, але яшчэ і яркае, запамінальнае свята. Уваход на выставу свабодны, бясплатны і без рэгістрацыі", - расказала памочнік генеральнага дырэктара ЗАТ "МінскЭкспа" Святлана Звездзіна.

"Белагра-2025" збярэ аграрыяў і вытворцаў з больш чым 20 краін. Прыняць удзел у выставе плануюць каля 540 кампаній. Свае экспазіцыі падрыхтавалі вядучыя міністэрствы Беларусі. Упершыню пад адзінай эмблемай "АграШАС" выступяць краіны Шанхайскай арганізацыі супрацоўніцтва.