На 89-м годзе пайшоў з жыцця кампазітар Яўген Дога

Страта ў свеце музыкі. На 89-м годзе пайшоў з жыцця адзін з самых рамантычных і папулярных кампазітараў XX стагоддзя, народны артыст СССР Яўген Дога.

У яго творчай скарбонцы некалькі балетаў, оперы, больш за 100 інструментальных і харавых сачыненняў, музыка да фільмаў, спектакляў і радыёпастановак, звыш 260 песень і рамансаў.

Яго аўтарскае музычнае суправаджэнне зрабіла такія фільмы, як "Табар сыходзіць у неба", "Мой ласкавы і пяшчотны звер", "Адзінокім даецца інтэрнат" больш глыбокімі. Самая вядомая песня горада Кішынёва "Мой белы горад" таксама напісана гэтым таленавітым кампазітарам.

Фота ТАСС