Душанбэ прыме Міжурадавы савет СНД

Міжурадавы савет СНД 5 чэрвеня прыме сталіца Таджыкістана. Перамовы на шматбаковым трэку папярэднічаюць двухбаковым сустрэчам.

4 чэрвеня адбыліся сустрэчы беларускага прэм'ер-міністра з калегамі з Таджыкістана і Казахстана. Мінск і Душанбэ робяць стаўку на прамысловую кааперацыю. У Таджыкістане ўжо працуе зборка нашых трактароў і іншых сельгасмашын. Зараз пляцоўку пашыраюць і павялічваюць лінейку тэхнікі. У сумесных планах таксама запуск новых вытворчасцей.

З Казахстанам абмеркавалі дзеючыя і новыя праекты. Развіваецца ключавая кааперацыя - зборка трактароў, камбайнаў і ліфтаў. Некаторыя дамоўленасці пакуль рэалізаваць не ўдалося, напрыклад, па зборцы кар'ернай тэхнікі або рысаўборачных камбайнах. Беларусь заклікае актуалізаваць прапановы і прадметна абмеркаваць рэалізацыю.