Новы прэзідэнт Рэспублікі Карэя не прыняў адстаўку старога ўрада

Новы прэзідэнт Рэспублікі Карэя не прыняў адстаўку старога ўрада. Лі Чжэ Мен дазволіў пакінуць пасаду толькі міністру юстыцыі. У адміністрацыі растлумачылі, што такое рашэнне звязана з жаданнем забяспечыць стабільнасць у дзяржаўных справах.

Нагадаем, новым прэзідэнтам стаў кандыдат ад апазіцыйнай дэмакратычнай партыі. Ён ужо паабяцаў гарантаваць бяспеку на Карэйскім паўвостраве праз дыялог з Пхеньянам. Таксама ён не раз выказваўся, што неразумна ігнараваць магчымасці пашырэння супрацоўніцтва з Расіяй і Кітаем і называў Маскву патэнцыяльна магчымым партнёрам.