Рачкоў: Беларусь падтрымлівае намаганні па стварэнні шматузроўневай разліковай сістэмы краін БРІКС

Беларусь падтрымлівае намаганні па стварэнні шматузроўневай разліковай сістэмы краін БРІКС. Пра гэта заявіў старшыня Пастаяннай камісіі Палаты прадстаўнікоў Нацыянальнага сходу Беларусі Сяргей Рачкоў.

Паводле яго слоў, ва ўмовах глабальнай эканамічнай турбулентнасці і росту рызык падзелу сусветнай фінансавай сістэмы краіны БРІКС маюць цвёрды намер стварыць незалежныя механізмы для сумеснай працы ў эканоміцы. Краіны БРІКС дэманструюць высокую гатоўнасць да паглыблення супрацоўніцтва ў плацежнай сферы, засяродзіўшыся на трох ключавых кірунках: пашырэнні разлікаў у нацыянальных валютах, гарманізацыі фінансавых рынкаў і гарантаванні кібербяспекі плацежных сістэм.

"У сваім выступленні дэлегацыя Беларусі акцэнтавала ўвагу на гатоўнасці развіваць гандлёвыя адносіны з усімі краінамі БРІКС. Была падкрэслена магчымасць узаемадзеяння з краінамі БРІКС у рамках Еўразійскага эканамічнага собюза", - сказаў старшыня Пастаяннай камісіі Палаты прадстаўнікоў Нацыянальнага сходу Беларусі Сяргей Рачкоў.

Статус краіны-партнёра ў БРІКС Беларусь атрымала летась. Мінск разглядае гэту рэгіянальную арганізацыю як саюз, які спрыяе пабудове шматпалярнага, справядлівага і стабільнага светапарадку.