80 чалавек прынялі ўдзел у кастынгу на шоу "Фактар.by" ў Гродне

Таленты Ліды і Гродна поўныя амбіцый узяць рэванш на "Фактар.by" і вярнуць перамогу ў свой рэгіён.

80 галасоў прагучала за 2 дні на кастынгах. Сёння перамаглі страхі і сталі на крок бліжэйшымі да мары фармацэўт, праграмісты, адміністратары, валанцёры, выпускнікі школ.

Правілы праходжання кастынгу нязменныя: удзельнік павінен быць старэйшым за 16 гадоў, выканаць вядомую ўсім песню, атрымаць задавальненне і быць максімальна шчырым у аповедзе пра сябе.

"Фактар.by" ўжо на шляху ў Брэст. Каманда талент-шоу гатова слухаць кожнае сола да пятніцы. Месца сустрэчы - вуліца Чкалова, 7. Шанц паказаць сябе ёсць у кожнага да канца месяца ў любым са зручных гарадоў адбору. У сталіцы, напрыклад, праслухоўванне прадоўжыцца тыдзень - з 24 па 30 чэрвеня.