Беларусь разлічвае на пашырэнне ваеннага супрацоўніцтва з пакістанскімі партнёрамі

Беларускі бок разлічвае на пашырэнне ваеннага супрацоўніцтва з пакістанскімі партнёрамі, у тым ліку ў міратворчай сферы, адзначыў міністр абароны нашай краіны падчас сустрэчы з прэм'ер-міністрам Пакістана.

Нагадаем, што дэлегацыя ваеннага ведамства Беларусі ажыццяўляе першы афіцыйны візіт у ісламскую рэспубліку. На сустрэчы з Шахбазам Шарыфам Віктар Хрэнін выказаў падзяку пакістанскаму боку за навучанне беларускіх вайскоўцаў на міратворчых курсах рознай скіраванасці. Міністр абароны падкрэсліў, што Беларусь разлічвае на пашырэнне кантактаў у ваеннай сферы і ў далейшым, бо нашы краіны валодаюць навыкамі і ведамі, якія могуць уяўляць узаемную цікавасць. У размове з кіраўніком беларускага абароннага ведамства Шахбаз Шарыф адзначыў, што Пакістан адкрыты для развіцця ўсіх кірункаў супрацоўніцтва з Беларуссю, якія ўяўляюць узаемную цікавасць, і асобна адзначыў важнасць для Пакістана мірных ініцыятыў.