Захаванне традыцый продкаў: свята "Багач" ладзілі ў Вязынцы

Наведвальнікі мерапрыемства могуць не толькі стаць сведкамі, але і прыняць непасрэдны ўдзел у свяце.

"Багач" - свята ўраджаю - адно з 4 галоўных у земляробчым календары беларусаў. Да народнага абраду і цяпер з радасцю далучаюцца і дарослыя, і дзеці.

Арганізатары імкнуцца захаваць каларыт свята і аўтэнтычнасць. А наведвальнікі не толькі становяцца сведкамі абраду, але і яго ўдзельнікамі.

Пасля чаго абавязкова - запальванне хатняга агню. Яго сімвалізуе васковая свечка ў лубку з жытам.

Сам Багач аддавалі на захоўванне маладой пары, што сёлета ўзяла шлюб, альбо самай удалай сям'і ў вёсцы. Менавіта з гэтага зерня пачыналі засяваць палі ў наступным годзе і верылі, што ўраджай будзе багаты!

Танцы, выступленні фальклорных ансамбляў, традыцыйная кухня, святочны кірмаш, разнастайныя фоталакацыі, па традыцыі не абышлося і без майстар-класаў па рамёствах: пляценне саламянага павука, стварэнне габелена з восеньскіх кветак, выцінанка і бісерапляценне.