Колькасць ахвяр крушэння самалёта ВПС Бангладэш у Дацы павялічылася да 27

Бангладэш смуткуе па ахвярах авіякатастрофы, у краіне - жалоба. У выніку крушэння навучальнага самалёта ВПС краіны ў Дацы напярэдадні, 21 ліпеня, загінулі 27 чалавек. Сярод ахвяр - 25 дзяцей, многім з якіх менш як 12 гадоў, а таксама пілот самалёта і настаўніца.

Для ідэнтыфікацыі некаторых неабходна правядзенне ДНК-тэсту. У бальніцы з апёкамі дастаўлены 170 чалавек: студэнтаў і выкладчыкаў.

Паводле папярэдніх даных, прычынай крушэння стала тэхнічная няспраўнасць самалёта. Паводле інфармацыі вайскоўцаў, пілот спрабаваў адвесці машыну ад густанаселеных раёнаў у бок адкрытай мясцовасці, але з-за нізкай вышыні катапультавацца не ўдалося. Знішчальнік урэзаўся ў 2-павярховы будынак пачатковай школы падчас абедзеннага перапынку, калі там знаходзіліся сотні вучняў.

Фота Reuters